E khublei ka VPP ya ki paidbah wa da ye u pyndam noh ya ka Public Hearing ka Shree Cement

Ka VPP East Jaiñtia Hills District ynne da lai ko wow pteiñ yei yakhih ha pchem ka yung krehkaam u DC ha Khliehriat heiwa nyngkong ym chah neidaw wa da pynkrehkaam ya ka Section 163 ka BNSS tangwa hadien won da e laad wow psiah du 5 ngut donhi yow chong kyllaiñ myngngor.

Hadien da wan u Magistrate wow pyntip wa ka Public Hearing wa da pynman da ka Meghalaya State Pollution Control Board  yei paan bor ka Shree Cement wow tih moochuni ha Lum Syrman da pyndam noh ka.

Ka VPP da e khublei ko ya ki paidbah wa da yieñ skem ki u yaleh pyrchah yei thombor ka sorkar.

U Damewanhi Rymbai uwa man kam u President ka VPP East Jaiñtia Hills da ong u wa ka Party da mih ko wow pyrchah ya ka Shree Cement toh neidaw wa kani ka sorkar e laad ko ya ki wow khih katwa ngait ki katwa i won kiwa jooh im ja kpoh na u mooyong chah khang i wei kani toh ka yurim wa yieñ pyrchah ki.

Related posts

Daw chna Football Fan Park ha Jowai wa Tura yow pait World Cup: Wailadmiki

July 4, 2026

Da chem ya ka kari u Kyrshan Lamurong | Soo sngi u kset ya kiwa chah kem

July 4, 2026

Da ong u leh wym em pyrchah ya ka Elaka Nongkhlieh wei ym em pyrchah leh ya ka Public Hearing neibhah ini waroh toh i thombor ka sorkar wei ka Elaka Nongkhlieh toh kawa chah pynemkaam donhi ha ka sorkar.

U Damenwahi da ong u leh wa waroh kiwa yahkhmat ka Elaka toh kiwa kyrchaan ka NPP wei hawa yoh ki kam kani ka laad da yahbakla ki ya ki paidbah.

Kamtæ da ong u wa lada ym dei yakhih, ka sorkar hi ym pyndam ko ya ka Public Hearing.