E khublei kyrpang ka JSU ya kiwa sikai waroh haka sngi wa khroo yong ki

Jowai: Ka Jaiñtia Students’ Union (JSU) lyngba ka Education Cell, haka khubor wa pyllait ynne ka sngi da pynsñiaw ko wa kiwa sikai man sakhiat ki ka luti wa nyngkong ha uwi pa uwi u bru cha ka kyrdan i stat i tip.

“Ka kaam kiwa sikai toh kawa khooid dooh wei wa ka kyntang wei toh lyngba i kreh chitom yong ki ya ki khynnah skur da ye u e yei stat i tip cha ki ka wow yarap u e ya ka mynried wa tyrchaaiñ” da ong ka seiñ.

Chooh chooh da ong ko wa ha kam kani ka sngi ka seiñ ym ye ko khlem da kynmoo burom ya kiwa sikai kiwa da kreh na mynsien wow e i nang i stat ya ki khynnah.

Heijooh i por da pynsñiaw ko yei eh i khoo wa yachem kiwa sikai wei hanla kattæ leh ym ran dien ki na i kaamram yong ki hei wa da em ki kynti kiwa da haap mih ki cha sarok wow dawa yei hok i yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka seiñ da ong ko wa lada ka sorkar kwah ko u kyntu kynrong yei stat i tip hapoh ka jylla wa ka ri hi waroh kawi ymtoh u chukor ko ya ki neibhah wa lada chukor ko ya ki kamtæ chukor ko leh ya ki khynnah skur.