Ka Dorbar Chnong Mookyndur da e khublei sñiawngooh ko ya u MLA ka Nartiang uwa man leh u Montri ka sorkar jylla, u Sniawbhalang Dhar wa da e u da ki kymmor cha ki manyung wa emkaam yarap hapoh ka chnong.
Neiliang ka Dorbar Chnong Mookyndur da kitbok kitrwiang ko ya u MLA wa u Blai u kyrkhu kyrdoh u ya oo kam uwa mihkhmat wa da e sñiawbha u ya ki khon ka chnong kiwa emkaam yarap ha kiwa boon ki bynta.
“E wa u Blai u dang e u ya phi ya i doh i pran wa chait wa khiah wow dang ye chooh chooh phi u chakri ya ki paidbah ka thaaiñ wa ya ka jylla ha waroh ki liang,” da ong ka Wyrta khubor na ka Dorbar Chnong.
Chooh chooh da pyntip wa ya kini ki kymmor da pyndep u saam ya ki ha ka 21 tarik uni u bnai da kiwa kitkaam ka chnong.
