U Chief Minister ka jylla, u Conrad K. Sangma ynne da ong u wa i rai wow pdiang ya ka Resolution ka sorkar wow pyrchah yei tih Uranium da man i wow sah kynmoo.
Mar ya pdiang ya ka Resolution, u Conrad da ong u wa i rai wow yatylli hajrong ini i kaam pynyoo i leh yei sur ki paidbah wow pyrchah ya ini i thmu wow tih wei wow chna ya i thaw pynjanai (Processing Plant) ya u Uranium ha ka jylla.
Da e khublei u ya waroh ki MLA wa yieñ ki chirup wow kyrchaan ya ka Resolution.
U Conrad da ong u wa ka Meghalaya man kyrpang ko heiwa em ko ya i rap pateiñ ya i thaw kamjooh i mantre ya ki mar pohkhyndaw ya kiwa da yada da ka Sixth Schedule ka Constitution.
Chooh chooh da ong u wa ini ymtoh du kat neibynta i tih Uranium tang wow yada ya ka mariang, i hok heiyatoh wa i khyndaw u chyiap wa i hok ka mynried.
Discussion about this post