Jowai: U Damangbha Wann, u khon yong ka Lambok Wann wa u Thirteen M. Suiam, uwa na Shangpung, West Jaiñtia Hills da man u uwa nyngkong na ri-loom Jaiñtia wow jop ya ka Meghalaya’s Got Talent S3 (2018) kawa pynkut ha ka 8 tarik uni u bnai wa pynman ha Convocation Hall, NEHU, Mawlai.
U Damangbha Wann, toh uwa em i sap rwai wei wow chna rwai, da jop u ya kani ka rynsan pynyoo sap kawa heh ka Meghalaya.
Neiliang u Damangbha Wann deilang wa kiwa ha yung ha sem yong oo da i kyrkhu u Blai na jrong, kwah ki u pynsñiaw yei sñiawngooh wa i burom ya phi kiwa kyrchaan kiwa da pynjop em burom ya oo ha ka Meghalaya’s Got Talent S3 2018.
“Nga ym ye O wow su kylliang yei kyrchaan doh wa mynsien i yong phi,” ong u Damangbha.
“Nga kwah O u e khublei leh ya ka Sngurtimai Wahlang (Mi) wa ka yung ka sem yong ka, ki payu para, ki kha ki man ka kur Wann, kiwa chong chnong yong ka Shangpung waroh kawei, ka EU Jowai Unit wa ki lok ki jor yow yoh phi waroh yei chait i khiah, yow nangroi nangsan phi ha i khih i khan, i suk mynsien. To u Blai u pteiñ u kyrkhu ya phi.” Da ong chooh chooh u.
Da e khublei u leh ya kiwi kiwi ki chnong kiwa kiwa ym ye de u pynmih pyrtuid waroh wa ya kiwi kiwi nadooh ki kynthai wa chynrang.
Discussion about this post