U MLA ka Nartiang Constituency u Sniawbhalang Dhar uwa man leh heijooh i por u montri ka sorkar jylla, da e khublei u yaki Doctor, Nurse kamjooh ya waroh ki wakreh ka Health Department, kamjooh leh yaka Police Department, heiwa da ong u wa ha kam kini ki por ki wakreh haka Health waka Police Department da em ki ka bynta kawa khroo hadooh kattae hei wow yada ya ki khon ka Meghalaya na u khñiang khlam COVID-19.
Da kyntu u leh yaki khon ka jylla waroh kawi wow booh hei duwai neibynta ki Nurse, ki Doctor kamjooh leh yaki pulit ki wakhreh miet wa sngi neibynta yong ka ri wa ka jaitbru ka yong i.
U Sniawbhalang da kyrpaad u leh ya kiwa chong chnong ka Meghalaya wow ya krehlang chirup waka sorkar deiwa khongooh yaka rukom pynlai ka sorkar khnang yow ye u yada na u COVID-19.
Da pynsñiaw u leh yei mynsien sñiawdiaw hajrong i khlaad noh u Dr. Sailo uwa man leh u Director ka Bethany Hospital, wei phah u leh yaka kyrwoh sñiawlem cha ka yung ka sem ka yong oo, kamjooh leh da e khublei u yaka Balang Presbyterian Riatsamthiah wa da e sñiawbha ko ya i thaw tlep heiwa da pyndep yaka niam ka rukom yong u Dr. Sailo, “E wa u Blai u nang kyrkhu u yaka Balang Raitsamthiah hi waroh kawi,” da pynkut u Sniawbhalang.
Discussion about this post