Neiliang ka FKJGP-West Jaiñtia Hills da booh ko yei kyrpaad ya ka MePDCL wa lada man iwa ye wym toh u kheiñ næ chim bai bordiñ ya ki bru khamtam ha kini ki por wa em ka Lockdown kawa da jan poi kattu chi bnai.
Ka seiñ da ong ko wa kani ka Lockdown da ktah sakhiat ko yaka kamai kajih ki paidbah khamtam kiwa dooh wa duk.
Ka seiñ da pynkynmoo ko leh wa ka sorkar leh da khang pyrchah ko ya ki bru wow chim bai yung wai ha kini ki por Lockdown. Tæ kamjooh leh ya ka MePDCL da booh ya i kyrpaad khain.
Ha iwi tawon i liang, ka seiñ da yaroh ko ya ki paidbah wa ya chimbynta lang ha kani ka Lockdown deiwa chong haki jar jiar ki yung khlem da lai kreh næ lai mylla.
Ka kyrwoh na u President ka seiñ u Nabait Ymbon.
Discussion about this post