Kam chibynta u pynchlur ya ki khynnah wow nang lehbha chooh chooh ki, kamjooh u pynchlur leh ya kiwi tawan, ynne ka sngi ka Jaiñtia Institute of Technology (JIT), Jowai da e khusnaam namo ka Award ya ki le ngut ki khynnah wa lai puræ yong ka kiwa da lehbha wei poi chakhmat haka Computer Course wa 6 bnai.
Kini ki le ngut kynthup ki ya ka Ahbok Langshiang kawa yoh yei kyrdan wa nyngkong heiwa da e ya ka da ka Full Set Computer, ka Carigmable Shadap hei kyrdan wa ar da yoh ko da u 64GB Storage Device, kawa yoh wa le ka Sweetmemory Shylla da yoh ko da u 32GB u Storage Device.
Neiliang u Bankitbor Marweiñ, Chairman Cum Managing Director ka Jaiñtia Institute of Technology da pyn-ehbok pyn-ehnasib u yaki wow nang leh bha ki chakhmat, wei yooluti u leh wa i angnood yong O u pynyoh khih ya kiwa wan puræ ha kani ka thaw u mankaam ki hanlada toh iwa chipor donhi leh.
