theme-sticky-logo-alt
theme-logo-alt

Lai bait i pynkhreh ya ka KJP Assembly kawa chiphaw ha Balang Mustem

Ka Balang Presbyterian Mustem, Jowai Presbytery yong ka KJP Synod Mihngi, ha kani ka kynti daw pdiang ko ya ka Khasi-Jaiñtia Presbyterian Assembly kawa chiphaw ha ka 8-10 Naitung (Apr) 2022.

Ka chnong Mustem jngai ko kamwa 11 Km na Jowai, West Jaiñtia Hills. 

Neiliang ka Balang wa ka chnong da pynkhreh bha ki wow pdiang ya kani ka Assembly heiwa da puchara ya ki rood sarok, da chna dara ha ki yung, wei da pynkhreh leh ya ki thaw wow pynyieñ kari. 

Neiliang u Waheh Chnong ka Mustem u Tbn. Heimonmi Shylla da kyrpaad u ya ki para wa ngait kiwa wan cha kani ka Assembly wow man kiwa bood yeiwa pynlai ki Volunteer neibhah wa ka sarok man ko kawa khian khnang wow lait i thut hawa lai wa wan. 

Da ong u wa kani ka yaseiñ man ko i kyrkhu ya ka Balang wa ya ka chnong neibhah da yoh hadooh kamwa 3 Km u sarok (Main Road) wa kamwa 2 Km u sarok hapoh ka chnong (Internal Road). 

Chooh chooh da ong u wa ka chnong man ko kawa ekhublei ya kiwa mihkhmat nadooh u MLA, u Lahkmen Rymbui wa u MDC, u Saron Paswet wa da ye ki wow wanrah ya ki kaam pynroi ha ka chnong.

Heijooh i por da pyntip u wa neiliang ka Balang wa ka chnong da rai ki wow khang pyrchah ya kiwa wan dai baam, dai tiar spria ha kani ka 10 tarik ka Sngi U Blai khnang wow lait u thut i lai i wan ki paidbah. 

Share this:
Previous

E khusnaam ka Jaiñtia Institute of Technology cha ki kiwa leh bha hei puræ Computer

Next

Daw yoh ki 35,000 ngut ki khynnah ya ki MTabs: Conrad