theme-sticky-logo-alt
theme-logo-alt
Advertisement ad1

E Khusnaam u Lambor Malngiang cha kiwa lehbha ha ka SSLC wa HSSLC

Ka e khusnaam wa tip kam ka Nongkrem Constituency Academic Excellence Award 2021 da saam ya ka cha 33 ngut kiwa kynthup ya 26 ngut kiwa lehbha ha ka SSLC Exam wa 7 ngut ha ka HSSLC Exam da u Lambor Malngiang, uwa man u MLA wa MDC ka thaaiñ kamjooh leh u Chairman, Meghalaya State Planning Board, ha ka yalang wa pynman ha Community Hall Laitkor Dorbar Pyllun ynne ka 18 tarik.

Hawa e yei klam, u Lambor Malngiang da e khublei u ya ki khynnah skur kiwa da lehbha wow pyndep ya jar jiar ki Board Exam deiwa rah naam ya kiwa hayung hasem, ka imlang sahlang wa ya ka jylla waroh kawi. Da pynchlur u leh ya ki wow raikut yow poi cha ka thong ki wa chakhmat.

Da ong u leh wa kiwa lai skur toh ka mynried ka imlang sahlang wei toh u pynchlur ya ki wow em ki yei mynsien wow yaleh para ki yow pynku leh yei sap wei bor yong ki yow man ki kiwa ye wow pynku ya ka imlang sahlang. U Malngiang da e khublei u leh ya ki bei ki pa, kiwa sikai kiwa da e yei kyrchaan yong ki yow ye ki khynnah wow poi cha ka thong yong ki.

U Malngiang da saam u leh ya ki Mementos wa ka song poisa kawa mar T. 5000 samen cha kini ki 33 ngut.

Kiwi de kiwa klam toh u P. T. Passah, BDO Mylliem C&RD Block, u R. Wahlang, BDO, Mawryngkneng C&RD Block, ki Waheh Chnong wa ki Sordar ki chnong wa em hapoh ka Nongkrem Constituency.

Share this:
Previous

Saam ka Moodymmai ya ki kymmor cha waroh ki thlu-yung ka chnong

Next

3572 ngut kiwa wan chim tika ha ki ar sngi i e tika kyrpang ha ki ar Constituency