Jowai: Ka kur Sookpoh Khad-Ar Wyrnai kamwa jooh leh ko khlieh snem yow pynchlur wei wow pynkup burom ya ki khon ka kur, ha uni u snem leh haka Dorbar Bah yong ka kur da saam khusnam ko cha kiwa kiwa da leh bha nadooh ka SSLC/ICSE/CBSE wa kiwi ki kyrdan puræ kawa pynman ha Yungkur wa em ha Chilliangraij ynnin ka 7 tarik.
Ha kani ka sngi da yoh yaki ktien pdiang burom na u President ka kur u Dr. P. Syngkon, i klam na u Lamwan Paswet u General Secretary, i klam naka Syiemki Pakyntein, ka Chairperson Women’s Wing, Iongpiah Unit wei da pyllai yaka yalang da u I.J. Dameki Paswet waka Dalam Lytan.
Da em leh ki rwai wa da e daka Morealda Paswet, ka Merilangki Pakyntein, i rwai pdiang sñiawbha naka Khynroo Khyllood Committee, ki chaad naka Loomiongkjam Unit, Dulong Unit wa na ki Kynjing Sisters (Mukhla) wei da pyllait leh yaka kot parom ka kur da u Saron Paswet u MDC ka Jowai South Constituency.
Kani ka Dorbar yachemlang ha uni u snem daman ko ka sien wa san.
U waheh Lamwan Paswet hei klam da khana u wa oo toh uwi na ki General Secretary ka Kur uwa da yakrehlang wa ki le ngut ki President ka Kur kiwa kynthup yow Tynrawde Dolloi L. Kynjin, waheh S.R. Paswet wa u Dr. P. Syngkon, neitæ chooh chooh hei kdar wow pynsñiaw yei krehkaam ka Kur da khana u wa ha kini ki kajiak snem ha ka yurim wow pynneh pynsah ya ka dustur, ka Kur da pynlai yumut bha ko wow kreh deiwa khang pyrchah wa ki khon ka Kur Sookpoh 12 Wyrnai ymhoi u kylla Kur ki cha kiwi tawan wei kiwi tawan leh ymhoi u kylla kur ki cha ki yeini da leh ha ka yurim wow lait ki khon ka Kur nei chongkha chongman waman pyrchah ya ka dustur.
Da yoh leh ya i ngooh Blai na u Puramon Kynjing u Dolloi ka Elaka Jowai uwa man leh u Vice-President ka kur wa i ktien e khublei na u Womlin Pakyntein.
Kiwa yoh khusnam kiwa em 19 ngut man ki kamni ha wah:
- U Luigi Dalian Pasweth, uwa yoh 3rd Position haka Merit List ka Meghalaya Board of School Education deiwa yoh 93.83%.
- Ka Warisa Kma, kawa yoh 1st Division haka Secondary School Leaving Certificate Examination, 2019 deiwa yoh 81.33%.
- Ka Ha-I-Wot Lytan, kawa yoh 1st Division haka Secondary School Leaving Certificate Examination, 2019 deiwa yoh 77.33%.
- Ka Rushika Chyrmang, kawa yoh 1st Division haka Secondary School Leaving Certificate Examination, 2019 deiwa yoh 76.50%.
- Ka Emidaka Paswet, kawa yoh 1st Division haka Secondary School Leaving Certificate Examination, 2019 deiwa yoh 70.8%.
- Ka Sawaka Kynjing, kawa pyndep yaka Degree LLB Examination, 2019 deiwa yoh 1st Division.
- Ka Dr. Mayakiru Pakyntein kawa pyndep yaka Degree of Bachelor of Dental Surgery na Dental College RIMS, Imphal.
- Ka Mebalarisha H. Paswet, kawa pyndep yaka Degree of Bachelor of Dental Surgery na Jaipur Dental College.
- Ka Just Florisa Dora Kynjing, kawa pyndep yaka Degree of Bachelor of Science (Chemistry) na St. Anthony’s College, Shillong deiwa yoh 75.25%.
- Ka Dafisha Pakyntein, kawa pyndep yaka Degree of Bachelor of Science, Bio-Chemistry na St. Edmund’s College, Shillong deiwa yoh 68.5%.
- Ka Efficiency Siangbood, kawa pyndep yaka Degree of Bachelor of Pharmacy na Assam Down Town University, deiwa yoh CGPA wa 7.98.
- Ka Manhaka Lakiang, kawa da pyndep yaka Degree of Bachelor of Science in Dairying na Sam Higginbottom University of Agriculture, Technology and Sciences deiwa yoh 66.5%.
- U Pynshaibormi Syngkon, uwa da pyndep yaka Degree of Bachelor of Technology in Electrical and Electronics Engineering na VeL Tech Rangarajan Dr. Sagunthala R&D Institute of Science and Technology deiwa yoh First Class with Distinction (CGPA: 8.33).
- U Lakhon Paswet, uwa pyndep yaka Degree of Bachelor of Technology in Civil Engineering naka Regional Institute of Science and Technology, Meghalaya, deiwa yoh First Division with CGPA: 6.92.
- U Haurudeiwa Lakiang, uwa pyndep yaka Degree of Bachelor of Science in Forestry na Sam Higginbottom University of Agriculture Technology and Sciences, deiwa yoh 71.5%.
- U Handy Pasweth, uwa pyndep yaka Bachelor of Design (Fashion Design) naka National Institute of Fashion Technology, Hyderabad, CGPA: 7.4.
- Ka Morealda Paswet, kawa pyndep yaka Degree of Master of Arts in Music na Martin Luther Christian University, Meghalaya.
- Ka Sookiwaka Lywait, kawa pyndep yaka Degree of Master of Science in Environmental Science na University of Science and Technology, Meghalaya. Deiwa yoh CGPA – 6.43.
- Ka Amanda Lytan, kawa pyndep yaka Degree of Bachelor of Master of Science in Environmental Science na University of Science and Technology, Meghalaya, deiwa yoh CGPA – 7.24.
Discussion about this post