E kti u Lahkmen ya ka RMSA Govt. Secondary School cha ka chnong Jongushen

U Montri ka chnat Puræ Puthi uwa man leh kam u MLA ka Amlarem, u Lahkmen Rymbui, ha ka 4 tarik uni u bnai da e kti u ya ka Government Secondary School kawa da chna hapoh ka Rashtriya Madhyamik Shiksha Abhiyan (RMSA) cha kiwa chong chnong ka Jongushen, Amlarem Sub-Division.

I yoh ya ka Secondary School man ko kam u moomær ya ka chnong kamjooh ka thaaiñ yow suk u pteiñ ya ka puræ puthi heiwa ka chnong Jongushen toh kawa da em ya ka Government Lower Primary wa Upper Primary School.

Neiliang u Montri hawa e yei klam da ong u wa ka sorkar da booh ko hakhmat dooh ya ka puræ puthi neibhah kani toh kawa ye u pynkylla dur ya ka imlang sahlang wei ini i wanrah ya ka Secondary School wa thymme pynyoo ko wa wanrah leh ka laad ya kitu ki khynnah kiwa sah jngai na sor yow yoh ki u lai puræ.

Kamtæ da kyntu u wow chim kabu yeini deiwa pteiñ yei puræ puthi deiwa em ka thong wow poi chakhmat yow man kam ka nongmuna ya ka juk wow bood.

Related posts

Lada tih mooyong da ki Co-operative Society daw dooh yei hok kam ki tre khyndaw: JCOMSWA

September 11, 2026

Dohyap kiwa kreh Forest u thooh wei yarap ya u hati wa sakhut ka chaka Tractor ha rdang u

September 10, 2026