Ka Society for Environment Protection and Sustainable Development (SEPSD) lyngba u Chairman yong ka, u Wanbun N Dkhar ynne ka sngi da phah u ya ka kyrwoh khubor wa ka Society da e ko yei kyrchaan wa pura ya ka Public Hearing ka Shree Cement kawa daw man ha ka 31 tarik uni u bnai.
Neiliang u Chairman da ong u wa ka yurim ka e kyrchaan ya kani ka Public Hearing toh hadien wa da thooh bniah yei em ki karkhana Cement hapoh Ri-loom Jaiñtia wei da sakhi wa boon ki khynroo tre ri tre muluk wa yoh myntoi lyngba i yoh kaam yoh jaam kam ki tre chnong wa kitu kiwa khayi ya u moochuni kiwa man leh kaam ki Supplier wa kiwi de ki jait mar leh da yoh myntoi ki.
Chooh chooh da ong u wa heiyatoh wa ka bei rymaw da em ki kyndon wa ka chnat wow pait ya ki khloo ki kjam wei da dawa ko wa waroh ki jait kharkhana hap ki u bood ya ki kyndon katkam ka Factory Act 1948 kamjooh leh ya ka Environment Protection Act 1986.
Da ong leh wa waroh ki karkhana Cement hap ki wow kynchew cha ka District Mineral Foundation Fund wa cha ka Corporate Social Responsibility kawa man kam chibynta u pynbha pynyirngam ya ka bei rymaw.
U Wanbun da ong u leh wa ka sorkar India wa ka sorkar jylla da bichaar bniah ki hachwa u e ya ki NOC/Clearance kamjooh ya ka CTE wa CTO wei da em da ki Expert Committee wow sylli ya ki kot ki sla yong kiwon kiwon ki Company wa wan cha Meghalaya.
Discussion about this post