Hadien wa yap uwi u Karbi nei kynaad iwa da jia heipor wa thmu kiwa na Lapangap u lai ah kba deiwa ya tiplang ki bor District ka West Jaiñtia wa West Karbi Anglong District.
Neiliang ka seiñ Karbi Students’ Union (KSU) da ong ko wa ini da jia i neidaw wa ka sorkar Assam ym ye ko wow pynskem yei thaw i bhaw ka West Karbi Anglong kamjooh ya u pood u ang ka Karbi Anglong wa West Karbi Anglong District wot hadien wa dadep yasoi soskular MoU hapyrdi ka Assam wa Meghalaya tangwa i yakajia i kynaad da mih i neipor cheipor.
Kamtæ da chim ka rai wa khadooh wow booh hakhmat ka sorkar Assam wa lada ym ye wow pynbait ya u pood hapoh 3 bnai toh u e noh ya ki jaitbru Karbi da ka yong ki hi ka jylla yow ye ki u yada yei yong ki hi neibhah ka sorkar Assam ym em bna ko yei mynsien wa yei thaw ki Karbi wa kiwi de ki jaitbru wa em da ki ar District ka KAAC.
Da dawa leh na ka sorkar Assam wow e noh da ka Karbi Anglong Autonomous Council (KAAC) wow pait yei kaam pood wei wow pynskem yei thaw i bhaw, u e laad ya kiwa chong chnong ka West Karbi kiwa em pood wa ka Meghalaya neitæ ka Karbi Anglong wa em pood wa ka Nagaland wow rah suloi ki deiwa e License ya ki katkam ka aiñ thymme ka Assam yow ye ki u yada ya idæ.
Wei lada ka Assam ym ye ko wow yada ya ki bru yong ka, ym em hok de ko wow em ka KAAC hapoh yong ka wei da toh wow e noh ko da jar jiar ka jylla.
Discussion about this post