U President ka Hynniewtrep Achik Nationa Movement (HANM), u Lamphrang Kharbani da phah u ya ka khubor wa khor cha ka sorkar wa lada ym ye wow yada ya ka jaitbru wei lada ym ye wow yada yei khyndaw u chyiap ha khappood, da toh wow e License wow ksoh suloi noh ya ki khon ka jaitbru ha khappood wow yada yei thaw i bhaw.
Ya ini da ong u Lamphrang hawa yaklam ha ka yakhih thang dur bula wa da pynman da ki san tylli ki seiñbhalang ha jan ka yung sah u Montri Rangbah, u Conrad K Sangma ynne ka sngi. Ki san tylli ki seiñbhalang wa kynthup ya ka HYC, HANM, CoRP, JSM wa EJNC hapoh yong ka yakhih Save Hynniewtrep Mission da thang ki ya ki dur bula u Montri Rangbah ka Meghalaya wa Assam wei kamjooh yong u Amit Shah uwa man u Montri Kaam Pohyung ka sorkar pyrdi wei da beiñ leh yei chah siat yap ki 5 ngut ki waheh naka chnong Mukroh, West Jaiñtia Hills District.
U Kharbani ha kani ka sngi da dawa u leh wa ka sorkar Meghalaya toh u paan noh ko da ka yong ka hi ki sahep IPS,IAS wa IFS namo wow em jar jiar ka Cadre heithaw ka Assam-Meghalaya Cadre kamwa man katni, da ong u leh wa manda tyngkhooh kamni waka sorkar Assam, ki IAS, IPS wa IFS wa katni ym ye ki wow leh iyi iyi.
