15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

E por ka AJSU chi tayaw ya ka JUD Cement wow su ya ka tulop ki Security Guard

0 Comments
Advertisement ad1
Advertisement ad1

Jowai: Ka seiñ AJSU wa ka tnat Narpuh Circle yong ka da yachem ki wa ki khynroo Khasi, Jaiñtia wa Garo wa kreh kam ki Security Guard ha ka JUD Cement Plant neidaw wym em su ya ka tulop yong ki da boon bnai.

Kini ki Security Guard toh kiwa kreh hapoh ka CIS Bureau Agency kiwa pynbiang bru wow sonteri namo ki Security Guard ya kani ka karkhana pynmih khyndaw bilat.

Kini ki khynroo da chah pyndooh kreh ki wei da chah beh ki na ki thaw wa sah ki neidaw wa da rai ka JUD wow pynkreh noh da kawi ka Company ki wow pynbiang ya kam kini ki bru.

Neiliang ka AJSU da pyrchah ki yei leh ka JUD khmatam wa phah mih ya ki na ki thaw sah khlem su ya ka tulop yong ki kawa dang sah nadooh u Naisan (May) haddoh chiteiñ bnai yong uni u bnai kawa T. 8100 chi bnai.

Kiwa napoh ka jylla em ki kamwa 11 ngut wei 8 ngut won toh kiwa na Assam wei ka tulop wa sah da poi ko kamwa T. 4 lak tam.

Ka seiñ da maham ko ya ka JUD Cement Factory wa ymtoh u lehbeiñ ki ya ki tre jylla wei lada kreh lang ki wa ka toh u i kitkhlieh ya ki wei da thoh ko leh cha uwa ha khlieh dooh ka JUD wow chimkhia wow su noh ya ka hok ki wakreh yow yoh poisa ki u liwan deiwa em burom wei da epor chitayaw wow leh ya ini.

Share this:
Previous

Chah knieh ki sah-chkoor ksiar wa u kpieñ rupa na ki ar manbei ha ki ar thaw

Next

Khlai kular ki warep ka East Jaiñtia wow pynku yei rep i riang ar chah hapoh san snem