E por ka JSM chi bnai ya ki baar jylla wow mih na Iaw Pyngkat

Khliehriat: Ka seiñ Jaiñtia Students Movement-Eastern Region chirup wa ka Ladrymbai Circle da maham ko ya ka JHADC wow pynbait noh ya i kaam wa yatoh wa ka Iaw Pyngkat, Khliehriat dei wow pynmih ya ki baar jylla ka yow lait u jai iwon iwon iwa sñiawsih.

U President ka JSM-ER, u Shnalad Rymbai wa u President ka JSM-LC, u E. Syrti da ong ki wa hadien wa da chong ya ka yalang Executive Committee da rai ko wa lada ka Council ym chinkhia ko yeini i kaam, ka seiñ daw hiar biang ko cha kani ka yaw.

Da ong ki leh wa lada ki baar jylla ym mih ki hapoh chi bnai na Iaw Pynkat ka seiñ daw hiar biang ko wow beh ya ki na kani ka thaw dei bor.

Ka seiñ da pynkynmoo ko wa ka Iaw Pyngkat toh ka yaw wa kyrpang yong ki le chnong wa kynthup ya ka Khliehriat, Dkhiah wa ka Dienchynrum wei ymtoh yong ki baar jylla wei kiwa ye u chongdai ha ka toh du ki Pnar, Khasi, Bhoi wa ki War.