15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynman ka WWO ka Panaliar ya ka Food Fest 2019 neibynta ka Crèche ka chnong

0 Comments

Jowai: Ka Women’s Welfare Organisation (WWO) yong ka Dorbar Chnong Panaliar ynne ka sngi da pynman ko ya ka Food Fest namo ka yaw dai baam kam chibynta wow pynmih poisa ya ka Crèche wa pynlai da kani ka chnat kynthai hapoh ka chnong. 

Ya kani ka yaw da pynman ha Yungwalieh ka chnong heiwa da em ka yalang kawa da pynlai da ka Vice Chairperson ka WWO ka Biangtre Bamon, da yoh ya ki kyntien ngoohblai na ka dkhot kani ka chnat, ka Tipre Bamon.

Advertisement ad1

Da yoh ya ki kyntien wa tbian hajrong ki kaam kani ka chnat wa ka Crèche na ka dkhot ka chnat, ka Nicely Thma wa na u General Secretary ka Chnong, u Careme Phawa.

U MDC ka Jowai South, u Saron Paswet da man u kam u kongsan ha kani ka sngi uwa da yaroh ya ki kaam wa da leh ka chnat.

Neiliang ka Secretary ka chnat, ka Yoowan-i Kyndiah da e ko ya ki kyntien khublei kam wow pynkut ya kani ka yalang.

Ha kani ka yaw dai baam wa da pynkhreh da ki khon ka chnong na ki kyntoit waphær waphær da wanrah ya ki baam Pnar, ki baam dkhar, ki baam Chinese wa kiwi kiwi.

Previous
Next

0 Comments

Leave a Reply