E por ka KSU ya u Conrad 15 sngi yow pyndam ya ka Public Hearing ka Shree Cement | Dawa beh kreh ya u DC wa SP

Ka KSU ynne da lai e dorkhat ko ha u Chief Minister ka jylla, u Conrad K Sangma hajrong san tylli ki phang heiwa kawi toh wow pyndam noh ya ka Public Hearing ka Shree Cement kawa dadep pynman ha ka 31 tarik u July 2026.

Da dawa leh wow beh kreh næ wow Suspend ya u DC wa u SP ka East Jaiñtia Hills District deilang kiwa em hapoh yong oo kamjooh leh ya kiwa kreh ka Meghalaya State Pollution Control Board (MSPCB).

Ka seiñ da ong ko wa MSPCB toh kawa leh donhi katkam wa kwah ka Shree Cement dei wym chah ya kiwa pyrchah u poi ki chapoh ka thaw wa pynman Public Hearing.

Ki pulit won da ya krehlang ki wa ki bru ka Shree Cement heiwa hei miet ka 30 tarik da kawang ki ya ki Tear Gas wei da em leh kiwa tih ya u sarok ha Lad Tongseng yow khanglaad ya ki bru wow lai cha ka Public Hearing.

Wei kitu kiwa pyrchah kiwa ye u poi cha ka thaw pynman Public Hearing won da khang ki pulit wow psiah ki wei da em leh ki dkhot seiñbhalang kiwa chah kem chi sngi chwa wow pynman ya ka Public Hearing.

Related posts

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026

Takit ki pulit yeiwa em wa leh Black Magic yei dur u Modi hajan ka thaw thang-bru

October 25, 2026

Kamtæ wa ini pynyoo ko wa u DC deilang u SP toh kiwa da chah thied ha ka Shree Cement, da ong ka seiñ.

Ka seiñ da e por ko 15 sngi yow pyndam noh ya kani ka Public Hearing.