Ynnin ka 20 tarik, ka Khasi Student Union-Jowai Unit da lai yahcem biang ko ya u EM ka JHADC wa pait yaka chnat khayi u W G Sungoh heiwa u President ka seiñ u Ewanmi Phawa deiwa emlang u General Secretary daw pynkynmoo ki ya u EM wow khynra Trading License.
Neiliang yong ka seiñ da pyntip ko wa ka da dep ko wow khynra Trading License haka 18 tarik uni u bnai, kamtæ neiliang ka seiñ da booh por ko yaka JHADC 10 sngi nadooh ka 19 tarik hadooh ka 28 tarik uni u bnai yow leh ko yei kaam yong ka wei lada ym leh ya ini, ka seiñ ym yohsa ko wow leh da kamwi.
Ha kani ka jooh ka sngi, ka seiñ da lai yachem ko ya u sahep wa pait ya ki Labour License yow kyntu wa ym toh wow e kulmar yaka Labour License ya ki baar jylla.
Da kyntu leh ya ki waheh chnong wa ym toh wow e roi ya ka NOC wei ka seiñ ym chong kli kti ko wei daw booddien ko ya kini ki kaam.
