Ka Russia ynne ka sngi da e por ko ya ki chipai ka Ukraine kiwa dang yakhun ha sorbah Mariupol wow pyndem noh ki hapoh 8:30 i step ka 18 tarik.
Neiliang ka Russia da ong ko wa da yoh ko ya kiwa boon ki bynta kani ka sorbah wei em su ki kattu katni ngut donhi ki chipai ka Ukraine kiwa dang yakhun ha kani ka sorbah.
Ka Russia da ong ko wa da leh ko yeini kam chibynta wow pynlait ya ki wow liwan ki khlem rah de ya ki tiar yaleh wei daw pynlait suk ya ki khlem chah pynmynsoo.
Kam wow pynkynmoo heini, ka Russia da sdang ko u hiar thma ya ka Ukraine ha ka 24 Thohlakhmi 2022 kam chibynta wow pyrchah ya ka wow psiah cha ka NATO wei da e daw ko leh wa da sdang ko ya ka thma kam ka dak wow yada ko pyn yaka hi (Russia) ha ki por wow wan.
