Jowai : Ha ka yalang paidbah wada pynman ynne ka 10 tarik ha District Library Auditorium u CEM ka JHADC u ma Thombor Chiwat da e Sanad thymme u cha 14 ngut ki Dolloi wa ya uwi u Sirdar.
Ya kani ka e Sanad da leh kam wow pynkrehkaam noh ya ka aiñ synchaar chong synchaar elaka kawa da tip kam ka “The Jaintia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi/Sirdar and Waheh Chnong) Act 2015.
Hachwa u e sanad da em ka yalang wa pynlai da u ma L.S. Shylla, Chairman District Council kamjooh ki klam na waroh ki dkhot ka EC ka Council kiwa da pynsniaw paidbah wa katwon wa da yaleh ki u pynman aiñ smat ya kani ka bill.
U ma Thombor Chiwat da ong u leh wa kani ka aiñ ym pu em man ko kawa paka tangkwa haap pynkrehkaam noh ya ka yow chem ya waroh i duna ko. Da kyntu u ya waroh ki Dolloi wow spong ki yow pynyoo ya ka dak wa ksoh kyrdan dolloi ki.
U ma A. Chullai da ong u leh wa hadooh ka constitution ka ri India neipor cheipor dang haap pynkylla kamjooh ya kani ka aiñ waroh ki duna ko daw kylla katkam wa emkaam.
Ki Dolloi/Sirdar wa yoh Sanad ha kani ka sngi man ki kamni næ:
- Risein Pan, Dolloi Mynso.
- Don Dkhar, Dolloi Nartiang.
- Moon Garod, Dolloi Nangbah.
- Chawas Lyngdoh, Dolloi Raliang.
- Elios Swer, Dolloi Rymbai.
- Erudit Sutnga, Dolloi Sutnga.
- Manbha Kyndoh, Dolloi Narpuh.
- Na u Sukhlain, Dolloi Nongkhlieh.
- Oldwing Shadong, Dolloi Lakadong.
- Copiusness Daw, Dolloi Nongjngi.
- Khambun Sariang, Dolloi Shilliangmyntang.
- Chui Pohlynjar, Dolloi Nongtalang.
- Beringson Kongwang, Dolloi Darang.
- Jerrywell Pyrtuh, Dolloi Amwi.
- R.T. Moia Darnei, Sirdar Saipung.
Da em leh sa 5 ngut ki dolloi wa ym pu em e sanand neidaw wa dang man ki kam ki dolloi wa chi por kamjooh leh dang ki kam kiwa daw pynbait.
Discussion about this post