E sikai Computer ka Dalmia Bharat lyngba ki Bus cha ki chnong palatsor ka Jaiñtia Hills

Ka Dalmia Bharat Foundation (DBF) kam chibynta ka Corporate Social Responsibility (CSR) yong ka Dalmia Cement (Bharat) Ltd (DCBL), kawa man leh kam ka karkhana pynmih khyndaw-bilat wa bna naam haka ri India, da wai ko boon ki laad ki luti u kyntu kynrong yaki khynroo khyllood wa em ha ki chnong palatsor yow yoh ki yei stat i tip lyngba ki bor ki kor katkam wa yah ka juk lyngba ka Digital and Financial Literacy ha Meghalaya yow ku leh i yoh i kot ki paidbah.

Kamtæ kawi na ki e sikai Digital Literacy toh ka “World on Wheels” (WoW), heiwa hapoh kini ki Bus da em deilang waka Digital Literacy Lab neibynta u e sikai heiyatoh ki kaam Digital ha ki thaw palatsor.

Da em leh ka Common Service Lab (CSL) ha Lumshnong neibynta u e i sikai wa kyrpang heiyatoh waka Digital wa Financial Literacy kawa da wanrah boon i kylla, kamjooh leh i pynku wei da yarap ya palat 250 ngut kiwa chong chnong deiwa wai laad ya ki u yieñ ki hei kjat yong ki hi. 

Lyngba kini ki e sikai, ka Merida Bareh naka chnong Mynkre, East Jaiñtia Hills kam kawa da dep chah sikai ong ko wa nei khih mylla, katni da man ko kam ka Office Assistant ha kawi ka thaw krehkam deiwa chimbynta ko haka Common Service Lab.

Related posts

Ka Halari LP & UP School ka skur wa nyngkong ha Nangbah wa ye u e ya ka MS Office Certificate Course

December 11, 2024

Khut Admission ka KJP Synod Higher Secondary School Jowai neibynta u snem 2025

November 20, 2024

Ong ko leh wa dap ko dei sñiawngooh yaka Dalmia Bharat Foundation neibynta i wai laad ko heiwa da tip ko u pynemkaam Computer wei da yoh khih ko wei da kylla leh i rukom im ko.

Heiyatoh i lai luti ka Company ha ka thaiñ, u Raju Ranjan Prasad, Asst. Executive Director, Dalmia Cement ong u, “Ha Dalmia Cement, em i ka thong u pynku yei longbru manbru haka imlang sahlang iwa yatoh waka yoh ka kot ha ki soodong ki chnong ka thaaiñ”.

“Kamwa haka pyrthai stat katni, ka Digital Literacy e ko i stat i tip yow bru, e laad ko wow pynyajan wei chimbynta hei yoh i kot yong ka pyrthai waroh kawi, kamtæ lyngba kini ki kaam em i yei thmu u pynyajan ya kiwa chong chnong ha ki thaw palatsor deiwa e sikai kamjooh i chakri ya ki lyngba ki kaam Digital, wei wow e bor leh u yieñ ki hei kjat yong ki hi yow pynku yei kamai kajih,” da ong u Raju Ranjan Prasad.

Ya kani ka World on Wheels (WOW) da wanrah yaka dei yakrehlang hapyrdi ka HP Inc. waka Digital India Initiative ka sorkar India. Wei kani pynchlur ko wow chim kabu næ pynemkaam yei stat katkam ka juk yow rap yoh khih yoh kreh.

Ya ki e sikai lyngba ka CSL da pynman ha ki chnong wa kynthup yaka Wahiajer, Lumshnong wa ha Moosiang Lamare.