Wow yoh salonsar yei stat i tip katkam wa da booh thong ka sorkar India lynga ka RTE Act 2009, ka yung krehkam yong ka Sarva Shiksha Abhiyan West Jaiñtia Hills District ha ka 15 wa ka 16 tarik uni u bnai da khut pynman ko ya ka Orientation Program kyrpang neibynta ki manbei manpa wa ki bor pait bor pynlai yong ki skur.
Ya kani ka prokram da pynman ha yung Community Hall ka Loomsooiung Newhill, Jowai heiwa ha ka sngi nyngkong ki bru stat bru chemphang yong ka Sarva Shiksha Abhiyan wa kynthup ya u L.K. Singh, IE Coordinator, SSA West Jaiñtia Hills uwa da klam da batai pynsñiawthooh ya ki manbei manpa chaphang ka MBOSE Guidelines kawa yatoh wei hok ki khynnah wa em i duna hei man rynyieñ ryniot, ka Monica Dkhar, IE Block Resource Teacher Laskein kawa da klam chaphang ka Hearing Impaired næ ki khynnah wa em i duna hei man i long ki chkoor wa ka C.R. Rynjah, IE Block Resource Teacher, Amlarem kawa da batai chaphang ka Intellectual Disability.
Ha ka sngi wa ar won yong kani ka prokram i e sikai næ i batai wa kyrpang ya ki Principal, ki Head Teacher toh iwa dawan da ki bru stat bru chemphang wa kynthup ya ka Merilang Kharbyngar, State Coordinator, IE SSA-SEMAM Shillong kawa da batai bniah heiyatoh wa ki khynnah wa em i duna hei man rynyieñ ryniot wa ka Esther J.E. Shongwan, Deputy Chief Academic Officer, MBOSE kawa pynsñiawthooh ya kiwa sikai hajrong ki rukom thoh Exam ki khynnah wa em i duna hei man rynyieñ ryniot kiwa man hapoh i pynlai ka MBOSE.
Neiliang u L.K. Singh, District Coordinator IE SSA West Jaiñtia Hills hei klam pynkut da khut kyrpaad u ya kiw sikai wa ki manbei manpa wow e ki ya ka kti timun tidiang wei wow yakrehlang chirrup neibynta i hok wei myntoi yong ki khynnah wa emkaam u yoh yei yarap wa kyrpang nadooh na yung, na sem, ha skur wa ha ka imlang sahlang.
