theme-sticky-logo-alt
theme-logo-alt
Advertisement ad1
Advertisement ad1

E snaam sñiawbha ki khon kynthai wa chynrang ka Dorbar Chnong Chilliangraij

Advertisement ad1

Ka Dorbar Chnong Chilliangraij chirup i yakrehlang wa ka Meghalaya Aids Control Society, National Health Mission kam chibynta i dak yong i lehkmen lehburom yei kynjoh 75 snem i yoh laitlooid ka ri, ha ka 20 tarik uni u bnai da pynman ki ya ka pynsñiawthooh wei e snaam sñiawbha namo ka Awareness Cum Voluntary Blood Donation Camp ha Jowai Civil Hospital Blood Bank, Jowai.

Ki khon khynroo khyllood ka Dorbar Chnong Chilliangraij kiwa da e mynkna yei snaam ha kani ka sngi em ki hadooh 10 ngut wa kynthup 2 ngut ki kynthai wa 8 ngut ki chynrang.

Advertisement ad1

Neiliang u Oriland Shylla, General Secretary Chilliangraij hei yaklam da khana u wa ha ka thong toh i chankylliang rap kylliang wei wow pynim ya ki mynsien wa kordor wa dawa u yoh yei yarap, ka Dorbar Chnong da booh thong ko wow pynman ya ka Blood Donation Camp ar sien chi snem kam ka dak wow pynsahkynmoo yei man kyrpang ki sngi wa khroo ka ri India watip kam ka Republic Day wa ka Independence Day.

Ka Dr. P. Shylla, Medical & Health Officer In-charge Blood Bank, Jowai Civil Hospital dap ko dei sñiawngooh wa khroo ya ka Dorbar Chnong Chilliagraij kawa da pynyoo i mynsien yakrehlang na ki por cha ki por neibynta wow pynim ya ki mynsien wa kordor kiwa dawa u yoh yei yarap lyngba kani ka Jowai Blood Bank.

Share this:
Previous

Sahkut kawi ka Gypsy hei thlu, mih yarap wei pyndap ka VDP Tuber Kmai Chnong

Next

Da wanrah ya ki dieñkhlam ka Seiñ Raij Mukhla