15 49.0138 8.38624 1 0 4000 1 https://wyrta.com 300 0

E sñiawbha ka AJHSWO da ka Traffic Signboard wa thoh da i ktien Khasi cha u DTO ka Jowai

0 Comments
Advertisement ad1

Jowai: Ka All Jaiñtia Hills Social Welfare Organization (AJHSWO), hadien wa da yoh ujor ko naki paidbah kiwa yaleh (Apply) License yah kari naka yung krehkaam u DTO, kawa yatoh wa ki Traffic Sign/Road Signal wa kiwi, kiwa da booh ha yung krehkaam u DTO ka West Jaiñtia Hills District kawa man ka Signboard wa thoh ha i ktien phareng (English), kiwa chemchitom ki bru wow sñiawthooh heipor wa pynman yaka Interview khamtam ya kitu kiwa na nongkyndong, i chem ki iwa eh wow sñiawthooh hanlada ka chnat ka booh ko Class VIII chaneiñ wow ye u yaleh License wei sa kawi leh wot lada Pss ki yaka Driving Test leh, ym Pass ki ha ka Interview, hadooh arsien næ le sien da chim por ya ki wei hap ki wow pyllut por hadooh 17-18 sngi wow leh ya ka jooh ka kaam. 

Hajrong kani ka yurim wa da i mynsien sñiawkhia, ka seiñ da lai yachem ko wei wow kyntu ya u DTO u R. Tariang wow booh sa kawi ka Signboard kawa thoh da ki kyntien Khasi (Multi-Lingual) wei yaka ki kot ki sla wa pynemkaam ha i por Interview leh toh u pynkylla cha ka ktien Khasi khnang wa kiwa lai Interview yaleh License u smat ki wow yoh kem ha i por lai Interview wei leh kam chibynta wym sepai i por wa kordor i yong ki  khamtam ya kitu kiwa pli kiwa wan na jngai.

Kamtæ heiyatoh wa i eh yong ki paidbah neiliang ka seiñ ynne ka sngi ka 12 tarik hapoh i yahkhmat u President ka AJHSWO u Ram Biam, deiwa emlang ki dkhot da e sñiawbha ya kani ka Traffic Signboard, kawa da thoh da ki ktien Khasi wei da e kti ha u R. Tariang u DTO ka WJHD. Neiliang u President ka seiñ da ong u leh wa ya kam kani ka jooh ka Signboard Traffic Sign wa thoh daka ktien Khasi, ka seiñ daw lai e kti cha ka yungkrehkaam DTO yong ka East Jaiñtia Hills District.

Advertisement ad1

0 Comments

Leave a Reply