Kam chibynta wow pynsah kynmoo yei dap 50 snem ka jylla Meghalaya, neiliang ka Dorbar Chnong Moolamylliang lyngba u Waheh Chnong, u Apmon Pachiang da lai e ki cha ki bor District ka East Jaiñtia Hills yaka Map yong ka Meghalaya kawa da booh lang ya ka chap (Logo) dap 50 snem ka jylla.
Ya ini da chna kyrpang heipor wa pyman yei pynriam khrik-khrak hapoh ka chnong heipor lehkmen Christmas ini wa dep.
Ya kani ka Map toh kawa ah wei pynwan dur da ki dieñ wa tip kam ki Ficus wa Melaleuca Bracteata wa da thung kyrpang hapoh ka chnong wei da ekti ya i dur yong ini ha u SS Syiemlieh, I/C Deputy Commissioner, East Jaintia Hills District ynne ka sngi.
