Jowai: Wow pynkmen ya ki khynnah ka Good Shepherd RC School, Darrang wa ka Darrang Presbyterian Lower Primary School, Darrang, ka Meghalaya Environmental Social Organisation (MESO) chirup wa ka chnat khynroo ka National People’s Party kawa tip kam ka National People’s Youth Front (NPYF) da pynman ko yei kreh mon sñiawbha ha pchem ka Good Shepherd R C School.
Da saam ya ki sula ki klong um, ki tiar kyndehke cha ki 106 ngut ki khynnah.
Ha ini i saam tiar da em u Headmaster wa kiwa sikai kani ka skur wa ki manbei manpa.
Ya ka MESO da yahkhmat da u Mebanri Laloo, CEO, MESO, uwa da ong ym em wa man kiwa dooh hawa e yarap cha kiwi wei wow yoo yei khmat sooh rkhai ki khynnah man i iwa kordor bha.
U Thrangki Pohshna, President ka NPYF da ong u wa i mynsien ka imlang sahlang chong i ha ki khynnah wei ka thong ka NPYF toh wow kreh khlem chong-ngiah neibynta i bha i miat ki paidbah ka jylla Meghalaya yeiwa pteiñ ki wow leh man ka sngi.
Ha kani ka sngi da emlang u Banang Tynsong, Lasting Lamin, Abraham Nongbri, Daniel Diengdoh, S. Kurbah wa u PhrangkuparMawlong, kiwa man ki dkhot ka NPYF.
Discussion about this post