theme-sticky-logo-alt
theme-logo-alt
Advertisement ad1
Advertisement ad1

Esikai ka DDMA ya ki khynnah skur ka Jowai kammon wow pynduna yei mynsoo

Advertisement ad1

Jowai: Kam chibynta yong ka “National Disaster Risk Reduction Day” neiliang ka yung krehkaam ka District Disaster Management Authority, West Jaiñtia Hills District ynnin ka sngi da pynman ko ya ka pynsñiawthooh dei e sikai ya ki khynnah skur waphær waphær ka chnong Jowai hajrong ka phang “Disaster Mitigation & Preparedness” ha District Library Auditorium, Jowai.

Ka thong wa kongsan yong kani ka sngi toh wa kammon wow pynduna yei mynsoo lada jia wa khih khmi yow lait u dooh yei mynsien, kammon wow leh lada wan ka laær yong, dat u phria, i chlai um wa kiwi kiwi.

Advertisement ad1

Lyngba kani ka sngi da pynkynmoo leh kammon u man i kiwa da pynkhreh yow duna i chah kthah.

Ha kani ka sngi neiliang u DDMA, u Ebormi Langshiang da e u ki kyntien lamphrang katwa ka M. Langstieh, Assistant Professor, Disaster Management Cell, MATI, wa ka I. Warjri Assistant Director, Good Governance Cell, MATI da batai ki hajrong ki kattu katni ki bynta wa toh u leh wa ki wym toh u leh lada khih u khmi, i oor i khyndaw, i dat u phria, i chlai um wa i diñ.

Da kyntu ki leh ya ki khynnah wa iwa yoh sikai ki ha kani ka sngi wow sneiñ ki cha kiwi khnang wa i thmu kani ka yalang u man ko kawa jop.

Hadien ini da saam leh ya ki Prize cha kiwa jop haka yakob thoh Easy, Drawing, Painting wa da pynman chwa kani ka sngi.

Kam wow pynkynmoo heiyatoh wa ini ka “National Disaster Risk Reduction Day” neiliang ka yung krehkaam ka DDMA mynstep daw pynman ki ya ka Mock Drill ha Madan Jrisaleiñ, Chutwakhu Jowai.

Share this:
Previous

Maham ka NAESZC wow lai chadooh SC nei chah ktah ha ka ESZ ka khloo Narpuh

Next

E sñiawbha ka MESO wa NPYF cha ki khynnah ki ar skur ka chnong Darrang