15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

E sñiawbha ka MPUF da ki Torch Light ya ki VDP ka Saitpathi wa Lumsniehriang

0 Comments

Jowai: Kam i dak e sñiawbha wa yarap ka seiñ Meghalaya People United Front (MPUF) Khliehriat, da e da ki Torch Light cha ki VDP yong ka Saitpathi wa Lumsniehriang, Khliehriat East, ha ka yalang kawa pynman ha Primary School Khliehriat East.

Ha chwa wow saam ya ki Torch Light, da em ka yalang kawa tbian kawa pynlai da ka President VDP seiñ kynthai ka Sara Rymbai, ha i ya emlang ka Secretary VDP ka Pdiangmon Rymbai, Kyrshan Blah President MPUF, Khliehriat Circle, Waheh Dong Saitpathi u Wilson Dkhar, u Johnny Pahwa President MPUF Mukhaialong, u Thynnda Sana, ki dkhot ka MPUF wa ki VDP manbei yong ka Saitpathi wa Lumsniehriang.

Advertisement ad1

U Blah hawa klam da ong u wa ini i e yong ki da ki Torch Light cha ki dkhot VDP manbei yong ki ar tylli ki dong ka Khliehriat, man ko kawi na ki kaam yarap mon sñiawbha kiwa ka seiñ ka jooh leh ko na ka por cha ki por wei i e da ki Torch Light toh yow pynemkaam ki VDP kynthai heipor wa pynpep ki ya ki kaam yong ki. Da ong u wa ini i e sñiawbha man ko kamwa jooh leh wei da kynchew lang da ki para dkhot kawa yoh ki wow thied ya kini ki Torch Light.

Neiliang yong ka Sara da ong ko wa neiliang ki VDP yong ki ar dong dap ki da i sñiawkmen wa em wa e yarap ya ki neibynta ka kaam wa ki leh ki wei ki pdiang sñiawbha leh ya kini i e sñiawbha kiwa emkaam na i bynta yong ki kam ki dkhot VDP, da kyntu leh ya ki dkhot yong ka seiñ wow yarap ya ki dkhot VDP lada chem ki ya i eh ha iwon iwon i por wa emkaam.

Previous
Next

0 Comments

Leave a Reply