Ka Balang Presbyterian Lumshnong wa em ha East Jaiñtia Hills da mynjur ko wow e wai yei thaw yong ka wa heh 25 Hectare wa tip kam i Dong Daba Saitthad, Wahlareng Lumshnong neibynta ka 50 snem yow pynemkaam ka Star Cement yow tih moochuni.
Yeini da leh ynnin ka sngi ha ka Public Hearing wa da pynman da ka Meghalaya State Pollution Control Board (MSPCB).
Neiliang kiwa chong chnong da em kamwa 150 ngut kiwa da wan wei kiwa da klam da em ki 14 ngut heiwa kiwa boon da pynsñiaw ki yei kyrchaan.
Hachwa kani ka Public Hearing neiliang ka Dorbar Chnong Lumshnong da pynman ko ya ka yalang heiwa da mynjur ki yeiwa kwah ka Balang wow e wai yeini i thaw yong ka neibhah wa da emkaam poisa yow chna yungmane.
Neiliang kiwa yahkhmat chnong da pynsñiaw ki yei kyrchaan ha kani ka Public Hearing kamjooh ki heh Balang, kiwa chong chnong ka Umstain deilang u Dolloi ka Narpuh deiwa kyntu ya ka sorkar wow lai ko chakhmat wow e bor ya ka Star Cement.
Ya kani ka Public Hearing da pynlai da u Additional Deputy Commissioner (ADC) ka East Jaiñtia Hills, u G. Warjri deiwa emlang u Member Secretary ka MSPCB, u Dr. GH Chyrmang deilang ki Environmental Engineer, u S. Syiem wa u Frankie Laloo.
Discussion about this post