15 49.0138 8.38624 1 0 4000 1 https://wyrta.com 300 0

E Wyrta ki khynnah skur ka Chilliangraij UPS SSA chaphang ka Swachh Bharat Swachh Vidyalaya

0 Comments

Jowai: Ka Swachh Bharat- Swachh Vidyalaya toh kawi na ki wyrta khubor kawa u Narendra Modi kam u Prime Minister ka Ri India chimkhia u wow kyrsu kyntu ya ki wa chong chnong hajrong ka thong wow pynman ya ka Ri India, ka ri kawa sap wa kup yei dur wa khooid wa pliah. Tæ katwon man ka khubor wa sñiawsuk wei yoosuk u sakhi wa ki khynnah skur ka Chilliangraij Upper Primary School, SSA kam chibynta wow pynyoo i yaksoh kti lang hei wow pynman ya ka ri India kawa khooid wa pliah.

Ya kani ka prokram kyrpang watip kam ka Swachh Bharat Swachh Vidyalaya da sakhi wada pynman ynne ka 4 tarik u Khonchonglad heiwa ki manbei manpa yong ki khynnah puræ kani ka skur da wan ki wow yachimbynta.

crup2

Ya kani ka prokram da pynman leh kam chibynta wow leh warom ya ka sngi kyrpang ki khynnah kawa tip kam ka Children’s Day wei ka thong u pynman ya kani ka prokram toh wow pynyoo hakhmat ka pyrthai wa ki khynnah leh em ki ka bynta wa khroo hei wow ye u wanrah i kylla dur nadooh na yung na sem, ha chnong ha thaw kamjooh ya ka ri wa ka jaitbru waroh kawi.

crup2

Ya ki bynta yong ka prokram ha kani ka sngi da pyllai da u Sakhida-O Rymbai katwa ki wa klam won hajrong ki mat waphær waphær kiwa yatoh wa kani ka prokram toh u Andres Bang uwa da klam chaphang ka Children’s Day, u Manda-O Shylla uwa da khanna pynsñiaw hajrong ka thong yong ka Swachh Bharat Mission, ka Arsakani Nikhla kawa da klam hajrong ka phang wa ong “Safe Practices in Cleanliness and Sanitation” ka Damitre Lanong won da kdar ko wow yahkhmat hei puræ ya ka Swachh Bharat Pledge wa u Sienki-o Dkhar won ha bynta wa kut yieñ u wow e ki kyntien makhane.

crup3

Hadien wa da kut ka prokram yaklam napoh yung, ki khynnah ka Chilliangraij UPS SSA da lai yoohkjat won ki hei doh i pran u Loom Khliehchnong hei wow pynkhooid ya ki talawiar u Loom Khliehchnong View point.

crup1

0 Comments

Leave a Reply