15 49.0138 8.38624 1 0 4000 1 https://wyrta.com 300 0
Advertisement ad1

E yarap ka EJNC cha ka thaw ri khonswet ka Tuber Kmaishnong

0 Comments

Jowai: Ka East Jaiñtia National Council (EJNC)-Western Zone, deiwa ya krehlang waka EJNC-Central Executive Council waka West Jaintia National Council (WJNC), ynne ka 12 tarik da yohlaad ki wow e yarap cha kawi ka thaw ri khonswet kawa em haka chnong Tuber Kmaishnong, East Jaintia Hills District, kaw pynlai daka Seiñraij Tuber Women’s Wing kawa tip kam ka 7 Thyndai Child Care Institute Cum Counselling Centre.

Da pynman leh yaka yalang wa tbian wa pynlai daka Tiewmihpli Lyngdoh, Chairperson Seiñraij Tuber Women’s Wing, wei da yoh yei khana parom wa tbian yei lai luti yong kani ka thaw ri khonshwet da ka Faithtis Ryngkhlem, Secretary Seiñraij Tuber Women’s Wing.

Neiliang u Sambormi Lyngdoh, President EJNC-CEC, hawa e u yei klam da pynsñiaw u yei sñiawngooh kawa khroo ya ki manbei kiwa em hapoh ka Seiñraij Tuber Women’s Wing, kiwa da smat wow kit ya kani ka lyngkor kawa khia wow sumaar wow ri ya kitai ki khonswet kiwa em hadooh 7 ngut, chooh chooh da ong u wa ka EJNC toh kawa smat wow ya krehlang waka Seiñraij Tuber Women’s Wing neibynta wow pynbha pynmiat chooh chooh ya kani ka thaw wei da kyntu leh ya u Kyrmen Shylla, u montri ka chnat Social Welfare wow pynbiang ya iwa emkaam yong kani ka thaw ri khonswet hapoh EJHD.

Da yoh leh yei klam na u Kitborlang Dkhar, President WJNC, u Nangjan Dkhar Genl. Secretary, EJNC- CEC, u Mehi Rymbai, Genl. Secretary EJNC-MEU, u Training Phawa, President EJNC-WZ wei ya ki ktien e khublei da yoh na ka Milis Dkhar.

Advertisement ad1

0 Comments

Leave a Reply