Ka Ephphatha Society kawa man ka seiñ wa pait kyrpang ya ki bru kiwa duna ha i doh i pran hapoh East Jaiñtia Hills District da lehwarom ko yei dap chi snem yong ka namo ka Foundation Day ha ka 2 tarik uni u bnai ha Ieng Swer Memorial Secondary School, Dkhiah West.
Ha kani ka sngi da emlang u Montri ka chnat Social Welfare ka jylla, u Kyrmen Shylla kam u kongsan, ka Dr. Bertina Lyngdoh kawa man kawa nyngkong dooh kawa yoh ya i kyrdan Ph.D na ki bru wa tymbuiñ duna napoh ka jylla Meghalaya, u Rev. E.S. Sapuh, President Ephphatha Society, u S. Phawa Secretary, u S. Syiemlieh I/c Deputy Commissioner, ka R. Passah, DSWO, u F. Dhar, President Kyrmen Foundation, ki waheh chnong wa kiwi kiwi.
Ha kani ka sngi hajrong ki khynnah skur da emlang leh 42 ngut ki bru wa em i duna ha i doh i pran yong ki namo ki PWDs ha kani ka yalang.
Chooh chooh ha kani ka sngi da pynlait paidbah leh ya ka kot Khasi wa nyngkong dooh neibynta kiwa duna ha i doh i pran ya kawa da e pyrtuid “Jingshai na Ephphatha” kawa da thoh da ki 7 ngut.
Heipor wa pynman ya kani ka lehwarom da saam leh ya ki 7 tylli ki Wheelchair, 6 tylli ki dieñ-chdooh wa da e da ka State Resource Centre Shillong (SRC) wa 30 tylli ki kymmor wa da thied da ka Society neibynta ki PWDs.
Neiliang u President da pynbna u leh wa ha u snem 2022 ka Society daw wai ko ya kawi ka Vocational Training Center ha Dkhiah West ya kawa daw pynlut poisa da ka Kyrmen Foundation.
