15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

E yarap ka HYC cha ka manyung wa dooh u pa ya i kjat

Ka seiñ HYC-East Jaiñtia Circle, ynne ka sngi da yoh ko wow lai e yarap da u khoo wa ki tin sap yung cha ka manyung yong uwi uwa da doohnoh ya kawi ka kjat uwa chong wa sah ha ka chnong Musniangkmai, East Jaiñtia Hills District.

Uni u waheh toh uwa tip kam u Siswillfor Dkhar uwa da em leh ya le ngut ki khon wa dang khian, uwa da pyntip wa ka manyung da em chwa ko hei chitom, i dooh i duk wei katni da ngat sa ha ini i eh iwa da ktah chooh chooh ya ka yung ka sem yong oo katni la kamwa 11 bnai nadooh wa dooh noh ya chiliang i kjat yong oo na i daw wa kjut hadooh wa hap wow ah noh yei kjat.

Kamtæ i wan yarap kani ka seiñ da e mynsien ko chiboon ya oo, uwa da pynsñiaw leh yei sñiawngooh wa khroo ya ka seiñ kawa da wan chakhmat wow e yarap khlem da poi pyrkhat du hadien kattu katni sngi wa da kyrpaad u wa emkaam yarap.

Ynne ka sngi hachwa wow e ya ini i yarap cha kani ka manyung, da yoh yei klam na u Michal Chyrmang, Vice President, uwa da e mynsien ya uni u waheh kamjooh ya kani ka manyung hi waroh wa ym toh u dooh kyrmen tangwa wow chaniah ha u Blai ya kiyi kiyi waroh, deiwa ong leh wa u Blai hawa da booh ya u bru ha pyrthai, da em u yei bynta ya uwi pa uwi u bru iwa i ym ye i wow tip chwa.

Da ong u leh wa ka seiñ ka lai e ko ya kini ki yarap deiwa em sakhiat ya i mynsien sñiawlem ya ki paradoh para snam kiwa da maad ya kam ini i eh hawa im ki. Neiliang u Michal da kyntu u leh ya kiwa mihkhmat ka thaaiñ nadooh ki MLA, MDC wa kiwi won ki para seiñ kamjooh ki bru samen kiwa em mynsien e yarap wow mih ki chakhmat wow e yarap cha kam kani ka manyung wa emkaam yarap.

Share this:
Previous

Vijay Hazare Trophy: Jop ka Meghalaya yaka Sikkim

Next

Sah sa 20 ngut kiwa dang em COVID-19 ha Meghalaya