Ha ka thong wa ka yurim yong ka Distribution of Humaniterian Aid, ki dkhot ka Indian Red Cross Society, Jowai Branch wa kynthup yow W. Lyngdoh, Chairman IRCS, Jowai Branch, u Ohiwot Laloo, Secretary IRCS, Jowai Branch, u Hanpaya Nongpluh wa kiwi dei sñiawkhia ha ka 13 tarik uni u bnai da lai e yarap ki ya ka Yoolangki Shylla kawa chong wa sah ha Wahiajer, West Jaintia Hills.
Ini i lai e yarap ki dkhot ka Indian Red Cross Society, Jowai Branch ya ka Yoolangki Shylla toh man i hadien wa da chah bamlut i yung yong ka hei diñ wa khlan iwa da jia ha ka 2 tarik uni u bnai.
Ha ka yalang wa tbian chwa wow e kti ya kini ki tiar, neiliang u W. Lyngdoh da e u ki kyntien kitbok kitrwiang wei da batai u chaphang ka thong wa ka yurim krehkaam yong ka Red Cross Society kam kawi na ki seiñ wa em ha chityllup ka pyrthai wa yieñ wow e i chakri cha ki paidbah ha ki dur ki rukom waphær khamtam hawa em i jia wym poi pyrkhat (Calamities & Accidents) wei da kyrsu kyntu u leh ya ki bru wa chong chnong wow embyntalang wa kani ka seiñ.
Ki tiar kiwa da e yarap ka IRCS, Jowai Branch toh kam ki tiar chet tiar tu, ki kymmor wa kiwi kiwi.
Discussion about this post