15 49.0138 8.38624 1 0 4000 1 https://wyrta.com 300 0

E yarap ka JSU Jowai-Circle ha St. Mary Mazzerello Convent wa ka JSU KC ha Thyndai Child Care Institute

0 Comments
Advertisement ad1

Jowai: Ka JSU Jowai Circle ha ka 20 tarik uni u bnai hapoh i yahkhmat u President ka chnat, u Neal Jordan Rymbai da lai e yarap ki ha St. Mary Mazzerello Convent deiwa e ya ki tiar baam kam u khoo wa kiwi kiwi.

Ha kani ka sngi da emlang u SP ka West Jaiñtia Hills u Lakador Syiem kam u kongsan wa u P. Rymbai kam u symbood kongsan ha ka yalang wa tbian.

Ya ka yalang da pynlai da u Adviser ka chnat u H. Pariat hei emlang u General Secretary ka seiñbei u J. Shylla.

U Lakador hawa e yei klam da e u ya ka khubor Christmas wei da e u ya ki kyntien sneiñ kyntu wow man ki kiwa yaichah wei wow em i kyrmen la heiwon iwon i kaam wa leh ki. Da pynkut ya ka yalang da ki kyntien na u Aplang Lamare uwa man u General Secretary ka chnat.

Ha iwi i liang ka JSU Khliehriat Circle ha ka 14 tarik uni u bnai hapoh i yahkhmat u President u Livingson Kma wa u General Secretary u Emanuel Bhoi chirup u Publicity Secretary ka seiñbei u T. Mukhim da lai e yarap ki ha Thyndai Child Care Institute Cum Counseling Center ha Tuber.

Ha ini i e yarap da e da ki tiar baam nadooh u khoo wa kiwi kiwi wa ka poisa T. 2000. 

Ki chnat da kyrmen ki wa i leh yong ki u man i kam ka nongmuna ya kiwi wow e yarap ya kiwa emkaam. 

Advertisement ad1

0 Comments

Leave a Reply