Ka KSU Umran Diary Unit ha ka 22 tarik uni u bnai hapoh i yahkhmat u Vice President, u Rosterwell Mawlong khlem da pynslem mar ya yoo yei jinjar yong kawi ka manyung ha Umran kawa dang dep wot wow dooh ya ka bei, neiliang ka seiñ da lai ko wow yarap da u khoo, salah, dai, piat, chini, slacha, blooh, ki baam deilang waka song poisa cha katai ka manyung.
Ya ini da leh hadien wa da yoo ha ki Social Media chaphang u khynnah wa dang 9 snem i rta u Christopher Warpde uwa da hap wow lai mylla wei wow bah yow psa ya ka yung ka sem neidaw wa khlaad ka bei wei ban i chitom u pa.
Kamtæ dei mynsien sñiawlem wow yarap paradoh parasnam, ka seiñ khlem da pynslem da lai ko wow pait wei wow e leh ya ki kyntien sñiawlem, ki kyntien pynchlur khnang wym dooh kyrmen wei wow man kiwa yaichah wei heijooh i por ka seiñ da kitbok kitwriang leh ya u Christopher Warpde wa kamjooh ya u pa yong u yow yoh noh ya i doh i pran wa chait wa khlan.
