theme-sticky-logo-alt
theme-logo-alt
Advertisement ad1
Advertisement ad1

Ha ka 31 tarik u pynlait paidbah ya i Music Video “I Iong I Da-Hi”

Advertisement ad1
Advertisement ad1

Ka YouTube Channel “RJ Musical Wonders” kawa man ka YouTube Channel wa thymme kawa da chna kyrpang neibynta wow tule wow kynrong yei sap i phong ki khon ka Ri Jaiñtia kamjooh wow pynskem wow pynkrai yeiwa da sikai ki waheh wasian nachwa nynde. Ha kani ka kynti da pynkhreh ko wow pynlait paidbah ya ka Music Video wada e pyrtuid “I Iong I Da-Hi” iwa man kam i sur wa e yei sñiawngooh ya ka Ri Jaiñtia na ki paaid chong chnong ki yong ka heidur i rwai wa i chaad.

Ha kani ka Video da embynta lang da ki Pnar, ki War wa ki Biate kam kiwa chnong chnong wada ya imlang chirup chirup nadooh nachwa ha ki thawanær ka Ri-loom Jaiñtia. Da ya chimbynta hei chaad da ki khyllood wa chyrkhei bha u chaad ryngkat wei emlang ki diahmai wa yoo ngaitnood wei yoo kdang nood u pait. Da rwai leh ya ini i sur ha ki le tylli ki ktien- i ktien Pnar, i ktien War wa i ktien Biate. Da riň dur ya kani ka Video cha ki thaw wa yoo kynjai wei yoo bang hapoh ka Ri-loom Jaiñtia.

Advertisement ad1

Ya kani ka Music Video da pynwan dur da u Juhhi Nanghuloo ryngkat wa u Konel Phira (uwa jooh tip bha kam u Slæk) kiwa na Panaliar Jowai katwa u wai paidbah ya kani ka Music Video toh ha ka 31-10-2021 ha Yungwalieh Panaliar Jowai.

Ka RJ Musical Wonders lyngba kani ka khubor kyrpaad ko ya phi waroh ki para ri para muluk wow e phi yei kyrchaan wei e mynsien chooh chooh phi deiwa Subscribe ha u Channel YouTube: RJ Musical Wonders kamjooh leh hei wow yoh phi u yoo ya ka Official Music Video ha ka sngi wow pynlait paidbah ya ka.

Ya ka Teaser lane ka Trailer yong ka Music Video ye phi u pait ha kani ka link wada buh lang heini hawah.

Share this:
Previous

Yoh kem ki BSF ya ki mar wa chalan tooh wa chongdor palat T. 39 lak

Next

E yarap ka KSU cha ka manyung wa hap lai mylla u khon wa dang 9 snem