15 49.0138 8.38624 1 1 4000 1 https://wyrta.com 300 0

E yarap ka KSU-JHDU ya u Mihsalan Truh uwa lai chimbynta haka Asia Youth International Model United Nation

0 Comments

Jowai: Ka Khasi Students Union Jaiñtia Hills District Unit ynne ka sngi da yoh ko wow e yarap ya u Mihsalan Truh naka chnong Lumshnong East Jaintia Hills uwa chah jied wow mihkhmat cha ka Conference yong ka Asia Youth International Model United Nation ka wow man hapoh ka ri Malaysia. 

Kani ka yalang bah yong ki 44 tylli ki ri ka dawbah Asia u sdang ko nadooh ka 25 tarik u Naisaphra (August) wei u kut ko haka 28 tarik yong u jooh u bnai.

Advertisement ad1

Ka phang pyrdi yong kani ka yalang ka toh “Human Security Agenda in the Globalised World”.

Ka seiñ da kitbok kitrwiang ko ya u Mihsalan yow poi suk u cha ka thaw wa thmu u wow lai khnang wa u ye u wow leh iyi iyi manda wan uiñ biang u wei heijooh i por ka seiñ ka sñiaw sarong ko leh wa em kam uni u khynroo napoh ka thaaiñ yong i uwa mihkhmat kat chadooh kani ka lympung wa heh yong ki 44 tylli ki ri.

Ha chwa wow e yarap da em ka yalang wa tbian hapoh yung krehkaam ka seiñ kawa pynlai da u General Secretary u Garland S Manner wei da yoh leh yei klam kitbok kitrwiang da u Ohibait Dkhar President, Kwilnis Suchiang, Environmental Secretary wa u Leningrad Tariang, Organising Secretary wei khaddooh da yoh yei klam na u Mihsalan Truh uwa lai chimbynta cha kani ka lympung.

Neiliang u Mihsalan Truh da e khublei u yaka seiñ ka KSU kawa smat wow e yarap ya oo wei da kyrpaad u leh yaki paidbah ka jylla wow booh ya oo haka duwai khnang wa i thmu wa i angnood u u man ko kawa jop.

Advertisement ad1
Advertisement ad1

0 Comments

Leave a Reply