April 8, 2019

E yarap ka KSU Laskeiñ Circle ya ka manyung wa chah ktah haka æryong

Jowai: Ka KSU Laskeiñ Circle deilang waka KSU Saphai Unit ynne ka sngi da e yarap ki da ki tin sap yung ya ka manyung yong ka Kwis Lyngdoh kawa da chem chitom hei chah rah i yung yong ka haka æryong ha u bnai wa da dep haka chnong Iawthymme kawa haap hapoh ka West Jaiñtia Hill District.

Ha kani ka e yarap da emlang leh u President ka KSU Laskeiñ Circle u Balawan Suchiang deilang wa u General Secretary KSU ka Saphai Unit u Ricky Syntem wa ki dkhot naka Circle.

Neiliang u waheh chnong ka Iawthymme u Clement Pala da dap u da i sñiawngooh yaka KSU Laskeiñ Circle kawa yaleh chitom wow e yarap neibynta kam kini ki jait jia kiwa sñiawsih wa hap maad ki bru ha ki bor ka mariang khamtam ya ki manyung kiwa dooh wa duk.