Ka Khasi Student Union (KSU), Thadlaskein Unit ynne ka sngi hapoh i yahkhmat u President wa kiwi ki dkhot yong ka seiñ, da yoh ki wow lai e yarap da ki marbaam mardih cha ki le tylli ki manyung kiwa em hapoh ka chnong Mukhla Nongrim. Heiwa ar tylli toh ki manyung kiwa sah khonswet wa kawi won toh ka manyung wa dooh kiwa chnong wa sah ha i yung trep yung skum.
Neiliang yong ka seiñ da yoh ko wow e yarap wei da kitbok kitrwiang ya kini ki ar tylli ki manyung wa sah khonswet.
Ya ka yung ki wa dooh won, ka seiñ da yoh laad ko wow kylli lada em namo ym em ki Scheme kiwa kani ka manyung da yoh ko. Tangwa iwa sñiawsih toh wa wot lada man-i-por neiliang kiwa toh u pait yong ka chnong da paan ki ya ki EPIC wa ki Passbook wow yoh Scheme tangwa tang kawi ka tin sap yung leh ym em yoh hadooh katni.
Kamtæ ka seiñ da chim ko yei rai wow yarap leh neini chakhmat wow pynyoh ya iwa toh hok ki u yoh.
