Ka Meghalaya ym em ye ko wow pynman yei jop wa le sien ban ban ha ka Syed Mushtaq Ali Trophy Domestic T20 Tournament heiwa da rem ki ha ka Vidarbha da 8 Wicket ha Mulapadu, Andhra Pradesh ynne ka sngi.
Ka Meghalaya da jop ko ya ka kylla khlem wei da jied ko wow Bat nyngkong heiwa da kamai ko 96 Run na ki 19.1 Over ha ka yalehke Plate Group.
Ya ka Meghalaya da kamai boon dooh da u Chirag Khurana uwa yoh 26 Run na 20 bol katwa u Anish Charak (22) wa u Akash Kumar Choudhary (12) toh kiwi kiwa da yoh palat 10 Run.
Kiwa kawang bol ka Meghalaya da yaleh ki katwa ye wow yada ya ka thong wa khian tangwa ka Vidarbha da pyndep ko yei kaam ko wut wut deiwa yoh 100/2 na ki 11.1 Over. U Dippu Sangma (1/17) wa u Charak (1/19) toh kiwa da yoh Wicket ya ka Meghalaya.
Ka Meghalaya kattu daw yachem ko waka Tripura ha ka 8 tarik.
