Ka Khasi Students Union Thadlaskein Unit ynne ka 7 tarik da yoh ko wow pynman yaka yalang wow e yarap ya kiwa duna hei doh i pran wa ki khonswet kiwa em ha ka chnong Lad Mukhla heiwa da e yarap cha ki 26 ngut.
Ha kani ka yalang, kiwa yoh yarap da khana ki wa ym jooh em yoh yarap ki naka sorkar.
Kamtæ ka seiñ da rai ko wow booddien wow thooh laad yarap ya kini ki wei wow e chakri hok ya ka chnong, ka ri waka jaitbru.
Neiliang kitu kiwa duna hei doh i pran wa ki khonswet da pynsñiaw ki yei kmen yei smat ka seiñ wow e yarap wei da kitbok kitrwiang ki leh yaka seiñ wow nang ye ko wow chakri chooh chooh yaka jaitbru.
