Ki khynnah puræ ka Shilliangmyntang Secondary School, Laskein Block ynne ka sngi 20 tarik da yoh yarap ki da ki tiar na ka Indian Red Cross Society, West Jaiñtia Hills Unit heiwa da pynman ya ka yalang wa da emlang wa ki dkhot ka School Managing Committee wa kynthup ya u Dr. H. Talang wa u Pynhunjai Talang.
U Hanpaia Nongpluh, Life Member IRCS uwa da pynlai ya ka yalang da e u ya ki kyntien lamphang deiwa khana u ya ka thong yong kani ka kaam wa tip kam ka “Distribution of Humanitarian Aid”.
Kiwi kiwa da klam kynthup ki ya ka Arki Lamare, Head Teacher Shilliangmyntang Secondary School, wei da batai leh chaphang ka Indian Red Cross Society na u Ohiwot Laloo, Secretary IRCS, West Jaiñtia Hills Unit.
Ki dkhot ka School Managing Committee Shilliangmyntang Secondary School da pynsñiaw ki yei sñiawngooh ya ka Indian Red Cross Society, West Jaiñtia Hills Unit deiwa kitbok leh ya ka seiñ wow lai ko chaphrang ya ki kaam wow chakri ya ka imlang sahlang.
