theme-sticky-logo-alt
theme-logo-alt
Advertisement ad1
Advertisement ad1

Sdang ka 1st Saba Knock-Out Tournament 2021 wow wanrah ya i yakrehlang wa ka Assam

Advertisement ad1
Advertisement ad1

Ynne ka sngi ka lympung yalehbol ya kawa tip kam ka 1st Saba Knock-Out Tournament 2021 da sdang ya ka kawa da pynman da ka Dorbar Chnong Saba chirup wa ka West Jaiñtia District Police.

I thong wa da pynman ya kani ka lympung toh wow pynmih poisa khnang wow ye u chna pynmiat ya ka Saba LP School ka chnong wei wow wanrah ya i yakrehlang wa ki pulit ka Assam kiwa da chimbynta ha kani ka lympung. 

Advertisement ad1

Ha kani ka sngi u Dr. B. Langbang, Border Magistrate da man u kam u kongsan hei emlang u N. Tyngkan kam u symbood kongsan, chirup i emlang u B.R. Marak, OC ka Jowai PS, u E. Pohchen, OC ka Raliang PS, u J. K. Majaw uwa man kam u IC ka Saba Border Camp, u A. Suchiang uwa man u waheh chnong ka Saba wa u S. Tarang uwa man u heh chnong ka Umkhyrmi, West Karbi Anglong Dist.

U Dr. B Langbang ha kani ka sngi da yaroh u ya ka Dorbar Chnong Saba wa pynman ko ya kani ka lympung chirup wa ki pulit ka District, hajrong ka thong wow pynmiat ya ka Saba LP School. 

U N. Tyngkan ha kani ka sngi da ong u wa dap u dei kmen wow embynta ha kani ka sngi wow wai ya ka lympung deiwa yaroh leh ya ka Dorbar Chnong, Saba wa pynmnan ko ya kam kani ka lympung wow wanrah ya i yajan wa ki pulit ka Assam wei da kitbok u leh ya kiwa kitkaam ka chnong ha ki kaam yong ki kiwa chaphrang. 

U BR Marak hawa e i klam da kyntu u wow em i yajan wa ki pulit ka Assam heiwa da ong u wa ymtoh wow em i sñiaw phær jylla tangwa u em i sñiaw wa wan ki na ka thaaiñ mihsngi. 

Kiwi kiwa da klam ha kani ka yalang toh u E. Pohchen, u S. Tarang katwa u A. Suchiang da e u ya ki kyntien khublei. Ya kani ka yalang da pynphooh da ki khynnah kynroo khyllood ka Saba. 

Ha ka yakhun wa sdang ynne yong ka lympung, ka Saba da jop ko ya ka Umkhyrmi da ka yachut Penalty Shoot Out da 5-4.

Ha kani ka lympung ki dhab wa wan chimbynta waroh da em ki 32 tylli. 

Share this:
Previous

E yarap ka Red Cross sa cha ki khynnah ka Shilliangmyntang Secondary School

Next

Jan chah tlep ka wah Myntdu wym krehkam ki hukum yada ka sorkar