15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

E yarap ka Rotary Club da ki tiar PPE cha ki seiñ niam ka chnong Jowai

Advertisement ad1

Ka Rotary Club Jowai kam kawi na ki seiñ wa yieñ u e i chakri yei miat i bha ka imlang sahlang yong ki bru wa chong chnong ha kiwa boon ki liang, ha kani ka Mulong 31 tarik Naisan da pteiñ biang ko u ekti ya ki tiar yada COVID-19 kiwa tip kam ki PPE cha ka Balang Katholik, St. Therisa Parish Jowai.

Ki dkhot ka Rotary kiwa da ya emlang ha kani ka sngi toh u Rtn. S.K. Lato, President Rotary Club Jowai, Rtn. Samehi Laloo, Secretary Rotary Club Jowai, Rtn. Mewothi Gatphoh, Sergeant at Arm wa u Rtn. B.P. Najiar.

Advertisement ad1

Chwa wow e kti ya ki tiar PPE ha u Fr. Hilarius Lamare, Parish Priest Jowai neiliang u Rtn. S.K. Lato, President Rotary Club Jowai da e u ki kyntien yahkhmat hajrong ka thong yong kani ka e yarap heiwa da ong u leh wa i ekti ya kini ki tiar PPE da sdang i nadooh kini ki tayaw wadep kiwa kynthup ya ka Balang Presbyterian Jowai, Balang Thadlaboh Presbyterian, Balang Khimusniang Presbyterian, Balang Mynthong Presbyterian, Balang U Blei Jowai, Balang Unitarian Jowai, Balang Resurrection CNI Jowai, Seinraij Jowai wa kamjooh cha ka Balang Katholik, St. Therisa Parish Jowai.

Neiliang u Fr. Hilarius Lamare, Parish Priest Jowai dap u dei sñiawngooh wa khroo ya ka Rotary Club Jowai neibynta ki kaam wa bha yong ka wei kitbok kitrwiang u leh yow ye chooh chooh ko u e i chakri wa miat wa bha ya ki bru wa chong chnong kamjooh ya ka ri wa ka jaitbru.

Share this:
Previous

Da sdang wow e dawai tika PCV ya ki khonboo ha East Khasi Hills

Next

Chah kem 24 ngut kiwa dat ya uwi u Doctor Covid-19 Care Centre ha Assam