U Montri Rangbah ka jylla, u Conrad K Sangma ha ka yalang wa da pynman ha State Convention Centre, Shillong ynnin ka sngi da pynkup burom u ya waroh kiwa wanrah burom ya ka jylla deiwa yoh takma ha ka 38th National Games wa da pynman ha Uttrakhand.
U Conrad da e khublei u ya u Vikash, Elizabeth, Indra, Kiran, Anandi wa u Pynshngain kiwa da yoh takma wei kamjooh ya kiwi de kiwa da kreh chitom yow mihkhmat ya ka jylla ha kiwa boon ki jait yalehke.
Hawa klam neibynta ka 39th National Games kawa daw pynman ha u 2027 ha Meghalaya, da ong u wa hapoh 24 bnai daw pynman noh ya kani wei i pynkhreh ym du ki thaw yalehke tangwa kiwi de kiwa emkaam yow pyndap pynbiang yeiwa emkaam kiwa yalehke wa kiwi de kiwa boon jait deiwa yooluti leh wa daw ku i yoh takma ka jylla ha u 2027 deiwa pynbiang ki Coach wa kiwi de kiwa emkaam nadooh ki thaw leh Training yow pynkhreh ya ki 200-300 ngut kiwa chkeh dooh napoh ka jylla.
Da ong u leh wa kat ha u 2026 daw ye u pynbha ya ka Shillong Umroi Airport yow ye u wan rap boon ki lieñsuiñ.
Da pynkynmoo u leh wa kiwa yoh takma kam ha ki National Games, South Asian Games, Olympics wa kiwi de daw yoh syndon ki da i kreh sorkar katkam ka Meghalaya Outstanding Sportspersons Direct Appointment Policy.
Najrong wa da pynkup burom ya kiwa yoh takma, da saam leh ya ka song poisa cha kitu kiwa jop ya ki yalehke wa boon jait.
Ya ka Shillong Lajong FC da e yarap Rs. 1 klur da ka sorkar wei waroh kiwa da yoh ya ka song poisa da em ki 350 ngut wei da pynlait leh ya ka Meghalaya Sports Action Plan 2025-32 waka Chief Minister’s Football Mission ha kani ka yalang.
Discussion about this post