Jowai: Ynne ka sngi ka 22 tarik kawi ka manyung na ka chnong Nangbah Loomchor ka yong ka Rebeka Sungoh wa u kurim ko u Charles Dkhar, deiwa emlang leh ki COVID-19 Volunteer na ka seiñ KSU-Jaiñtia Hills District kiwa na ka chnong Nangbah da e yarap ko cha ki 40 tylli ki manyung.
Kani ka manyung da i mynsien wa sñiawkhia hawa kam kini ki por wa ym yoh de ki bru u lai khih lai khan, da e yarap sñiawbha ko cha ki 40 tylli ki manyung kiwa dooh kiwa em ha chnong Nangbah Dong Lumchor.
Kani ka manyung da e yarap ko ya ki da ki maarbam kam u khoo, u salah, i phñiang, u piat, slacha, u dai, u chana mator wa i chini.
Kini ki 40 tylli ki manyung da pynsñiaw ki yei sñiawngooh ya kani ka yung kawa em i mynsien sñiawlem wow yoo wyrai ya kiwa dooh wa duk, ki khon swet khon rangli kiwa sah kynthai khynnah kiwa em ha kani ka dong.
Discussion about this post