Ka Sports Ministry ka ri da wan ko chakhmat wow yarap poisa ya uwa yalehke yakura (Boxer) uwa na UP u Sunil Chauhan wa uwa chi payu wa oo uwa siat khnam (Archer) u Neeraj Chauhan kiwa da chitom poisa hadien wa u pa yong ki da dooh u yei kreh yong oo neidaw ka khlam COVID-19 iwa da pynbor noh yaki wow dai jhoor ki yow ye ki wow pyndap yeiwa emkaam ki.
Deiwa pyrkhat ya ini i chem chitom kani ka manyung, u Union Minister of Youth Affairs and Sports u Kiren Rijiju da e yarap poisa u T. 5 lak samen ya kini ki arngut napoh ka Pandit Deendayal Upadhyay National Welfare Fund for Sportspersons.
Uwa siat khnam u Neeraj Chauhan da yoh u yaka takma rupa haka 50m haka kyrdan Senior Archery Championship 2018 wei da yoh takma u leh haka 65th National School Games 2020, u payu yong oo u Sunil Chauhan (Boxer) toh uwa yoh takma ksiar haka Khelo India University Games, 2020.
U Sunil Chauhan da pynsñiaw u yei sñiawkmen ya ini i yoh yarap poisa wa daw yarap bha ko yaka yung yong ki deiwa e khublei leh ya u Montri uwa da pyrkhat yaki ha kam kini ki por wa chem chitom ki.
Ka sorkar da pyntip ko leh wa kiwon kiwon ki bru wa yalehke Sport kiwa emkaam yarap poisa ye ki wow paan yarap lyngba ka Sports Ministry Website lane deiwa thoh da ka email cha [email protected].
